Wos sogst zu Weihnocht'n ...

mit an echt riesig'n Plastikbam
mit Elektrokerz'n , waßt eh de klan
mit an Schnee aus da Dos'n
mit da Tannanbam-CD, da famos'n

mit an Weibnochtsstern aus Seide
mit Geschenke, kauft auf Kreide
mit an Karpf'n in Breslpanier
mit an oarsch-voll Weihnachtspapier

mit ana Flosch'n Sekt vom Billa
mit Lametta, zoartrosa und lila
mit an bitta-siaß'n Gschau
mit an Herz'n woas is lau

Wos sogst zu Weihnocht'n ...

mit an duftenden Tannenzweig
mit Keksal'n aus'n söbagmocht'n Teig
mit Kerzl'n wos Wachs no oberinnt
mit funkelndn Aug'n, wia bei an Kind

mit Wärme, de net vom Ofn kummt
mit Herz'n offn, nur net vamummt
mit Liebe, echt, aus reinem Herz'n
mit Geborgenheit, ohne Seelenschmerz'n

mit ana Umormung, fest und do zoart
mit da Gewissheit, immafort
der Mensch, den ich lieb, und des is jo des Beste
der liebt mi a vur und noch diesem Feste

Wos sogst zu Weihnocht'n ...

Ernest Korn